1 млн ағаш отырғызу бойынша «Жасыл Алматы» бағдарламасы жалғасатын болады.
Мемлекет басшысының қатысумен өткен Үкіметтің кеңейтілген отырысында Алматы әкімі Ерболат Досаев қала халқының өмір сапасын арттыру мен әлеуметтік инфрақұрылымды дамыту жұмыстың басымдық берілген бағыты екенін атап өтті, деп хабарлайды Almaty-akshamy.kz
Қаланың экологиялық жағдайын жақсарту алматылықтардың өмір сапасын қамтамасыз етудің маңызды мақсаттарының бірі және олардың көңіл-күйіне әсер етеді. Мемлекет басшысының қатысуымен өткен Үкіметтің кеңейтілген отырысында Алматы әкімі Ерболат Досаев қала тұрғындарының өмір сүру сапасын арттыруға бағытталған міндеттерді жүзеге асыру бойынша жоспарланған шаралар туралы айтты.
Мамандардың берген бағасы бойынша, 2021 жылы ластанудың негізгі көзі көліктер - 56%, ЖЭО және өндірістік кәсіпорындар - 39%, жеке тұрғын үй секторы - 5%.
«Бүгінде қалада 2441 бірлік қоғамдық көлік паркі бар, тек 15 электрлі автобус бар. Қоғамдық көлікті одан әрі дамыту жылжымалы құрамның экологиялық түрлерін сатып алуға ғана бағытталатын болады. Бірінші тоқсанда газбен жүретін қоғамдық көліктің 300 бірлігін сатып алу жоспарлануда, бұл экологиялық таза көліктің үлесін 30% - дан 37,4% - ға дейін арттырады», - деді мегаполис әкімі.
Ерболат Досаев сондай-ақ 1 млн.ағаш отырғызу бойынша «Жасыл Алматы» бағдарламасын іске асыру өз жалғасын табатынын атап өтті. Биыл 300 мыңнан астам көшет отырғызу жоспарланған. Сондай-ақ, ағымдағы жылы гранттар есебінен ауаның сапалық құрамын өзгерту бойынша 60 аспап орнатылады. Өлшеулер мен оларға талдау жүргізілгеннен кейін АБР мен AirVision ҚҚ тарта отырып, ауа сапасын жақсарту бойынша жоспар әзірленетін болады.