Бүгінгі таңда өндірілген 347 мегаватт электр энергиясының 307 мегаваты оңтүстік облыстарға жіберілуде, бұл Ақтоғай қосалқы станциясынан шығатын желі арқылы жүзеге асып отыр.
Яғни, біздің облыста өндірілген энергияның 90%-ы оңтүстіктің қажеттілігін жабуға кетіп жатыр.
Бұл көрсеткіштер елдегі энергия тапшылығының ауқымын айқындайды. Біздің басты міндетіміз — энергияның сенімді және тұрақты көздерін табу. Осы тұрғыда атом электр станциясы (АЭС) ең тиімді шешімдердің бірі болмақ. АЭС-тің бір ғана блогы мың жарым мегаватт энергия өндіруге қабілетті. Бұл — бүкіл аймақтардың қажеттілігін жабуға және энергия тапшылығын жоюға зор мүмкіндік.
Мен еліміздің энергетикалық болашағына бей-жай қарамайтын барша азаматтарды алдағы референдумға белсенді қатысуға шақырамын. Атом энергетикасы арқылы біз тек энергия тапшылығын шешіп қана қоймай, елдің энергетикалық тәуелсіздігіне қол жеткізіп, тұрақты дамуды қамтамасыз ете аламыз. 🇰