Енді сарбаздарға несие берілмейді. Қазақстанда мерзімді әскери қызметте жүрген азаматтарға банк пен микроқаржылық ұйымдардан қарыз алуға тыйым салынбақ, - деп хабарлайды aqshamnews.kz тілшісі 31-арнаға сілтеме жасап.
Қаржы нарығын реттеу агенттігі осыған қатысты қаулы жобасын қоғамдық талқылауға шығарды. Құжатқа сәйкес, Қорғаныс министрлігі мен кредиттік бюроларға деректер алмасу жүйесі енгізіледі. Яғни әскерге шақырылған азаматтың мәртебесі кредиттік есепте автоматты түрде көрініп тұрады.
Енді банкке немесе микроқаржылық ұйымға несиеге өтінім берген әр азаматтың әскери статусы тексеріледі. Егер оның отан алдындағы борышын өтеп жатқаны анықталса кредит берілмейді. Ал несиесі бар сарбаздарда төлемді кейінге қалдыру мүмкіндігі болады.