Қазақстанда енді екінші деңгейлі банктерге тұрғын үй құрылыс жинақ жүйесі бойынша жұмыс істеуге рұқсат беріледі, деп хабарлайды aqshamnews.kz
Яғни, болашақта тек Отбасы банк қана емес, басқа банктер де осы жүйе арқылы ипотека ұсына алады.
Алайда бұл өзгеріс барлық банктер міндетті түрде жеңілдетілген ипотека бере бастайды дегенді білдірмейді.
Заң банктерге мұндай өнімдерді іске қосуға тек мүмкіндік береді. Ал пайыздық мөлшерлеме, жинақ мерзімі және бастапқы жарна талаптарын әр банк өзі белгілейді.
Бұл нормалар 2026 жылғы 19 наурыздан бастап күшіне енеді.
Маңыздысы — мемлекеттік сыйақы тек Отбасы банкте сақталады. Басқа банктер ТҚЖЖ бойынша жұмыс істегенімен, олардың салымшыларына мемлекет сыйақы төлемейді.