Анықтамалықтың негізгі бағыты - саламатты өмір салтын насихаттау, аурулардың профилактикасы, қауіп факторларын алдын ала жою және созылмалы ауруларды бақылау.
Қазақстанда Дүниежүзілік денсаулық сақтау ұйымының Еуропалық өңірлік бюросының көмегімен балалар мен жасөспірімдерге медициналық-санитариялық алғашқы көмек көрсету бойынша қалта анықтамалығы бейімделеді және шығарылады, деп хабарлайды Almaty-akshamy.kz Денсаулық сақтау министрлігіне сілтеме жасап.
Басылым балалар мен жасөспірімдердің денсаулығына, жетілуіне және дамуына кешенді көзқарасты бекітуге жәрдемдесуге бағытталған
Анықтамалық сондай-ақ МСАК мамандарына арналған және емшек сүтін емізу, қосымша тағамдарды енгізу, жас балалардың дамуын қолдау және жасөспірімдерді медициналық ақпараттандыру бойынша ұсыныстарды қамтиды.
Денсаулық сақтау министрлігі қалта анықтамалығының елдік нұсқасын бейімдеу нәтижелерін шоғырландыру үшін педиатрия, неонатология, психикалық денсаулық және баланың ерте дамуы саласындағы жетекші мамандарды анықтады.
Жүргізілген жұмыстың нәтижесінде қалта анықтамалығының қазақстандық нұсқасы жасалады. Министрліктің жұмыс тобы оқыту мен енгізу мониторингін жүргізе отырып, Қазақстанда МСАК-ты практикаға енгізудің кезең-кезеңмен жоспарын әзірлейтін болады.