Оларға 90,2 млн теңге төленді.
Мемлекеттік еңбек инспекторлары үстіміздегі жылдың екі айында 500-ден астам адамның құқығын қорғап бергенін жеткізді, деп хабарлайды Almaty-akshamy.kz.
«Ағымдағы жылғы 1 ақпандағы жағдай бойынша, мемлекеттік еңбек инспекторлары республиканың 44 кәсіпорнында 890 жұмыскердің алдында 159,1 млн теңгеден астам сомаға жалақы бойынша берешекті анықтады», - делінген Еңбекмині баспасөз қызметінің хабарламасында.
Нәтижесінде осы кәсіпорындардың басшыларына орындалуы міндетті 12 нұсқама беріліп, 2 млн теңгеден астам сомаға айыппұл салынған.
Қабылданған шаралардың арқасында жалақы бойынша берешекті өтеудің қатаң кестелері мен мерзімдерін белгілеу нәтижесінде 516 жұмыскердің құқықтары қорғалған. Оларға 90,2 млн теңге төленді