Актаудағы ұшақ апатының «қара жәшіктері» Бразилияда талданып, деректер Қазақстанға жіберілді, деп хабарлайды aqshamnews.kz
Embraer ұшағының «қара жәшіктеріндегі» деректер Бразилияның Оқиғаларды зерттеу және алдын алу орталығында (CENIPA) талданып, Қазақстанға жеткізілді. Бұл туралы Globo порталы хабарлады.
Деректерді талдау жұмысына Бразилияның үш тергеушісі, сондай-ақ Әзербайжан мен Ресей өкілдері қатысқан.
«Ақпарат Қазақстандағы талдау және оқиғаны зерттеуге жауапты ведомствоға жіберілді. Ол авиациялық оқиға туралы қорытынды есепте жарияланады», — деп хабарлады Globo басылымы.
Бұған дейін Актауда құлаған Azerbaijan Airlines ұшағының апаты туралы қорытынды есеп үш жыл ішінде дайын болатыны айтылған болатын.