Астанада қала көшелерінің бірінде жасөспірімдер қоғамдық көліктің артына мініп алып, қаланы аралаған. Оқиға бейнежазбаға түсіп, әлеуметтік желіде тарады,-деп хабарлайды Аqshamnews.kz тілшісі.
Kriminal_kazakhstan Telegram арнасында жарияланған видеода жастардың №58 бағыттағы автобустың артқы бамперінен ұстап, бірнеше аялдама бойы жүргені анық көрінеді. Оқиға елорданың оң жағалауындағы аудандардың бірінде болған.
Астана қалалық полиция департаментінің мәліметінше, Сарыарқа аудандық полиция басқармасы жасөспірімдердің жеке басын анықтап жатыр.
“Анықталған жағдайда заң талаптарына сәйкес шаралар қолданылады”, – делінген полиция таратқан ресми мәлімдемеде.