Қазақстанның үш ірі қаласында желтоқсанның алғашқы жұмасында қолайсыз ауа райы күтіледі, - деп хабарлайды Aqshamnews.kz тілшісі.
Астана қаласында 5 желтоқсанда көктайғақ күтіледі. Түнде және таңертең қала ішінде жолдар тайғақ болып, қозғалысқа қиындық тудыруы мүмкін.
Алматыда таулы аймақтарға жақын аудандарда тұман сақталады. Кей өңірлерде көріну мүмкіндігі төмендеп, жол қозғалысы шектелуі ықтимал.
Шымкентте күннің алғашқы жартысында тұман түседі. Ылғалды ауа райы сақталады, таңертең көріну қашықтығы төмендейді.
Казгидромет мамандары жүргізушілер мен жаяу жүргіншілерді ауа райының қолайсыздығына байланысты барынша сақ болуға шақырады.