1 желтоқсанда Қазақстанның басым бөлігінде тұман түсіп, көктайғақ болады, деп хабарлайды aqshamnews.kz.
«Қазгидромет» РМК мәліметіне сүйенсек, Астананы түнде және таңертең тұман тұмшалайды.
Ал Алматы облысының таулы аймақтарында жауын-шашын (жаңбыр, қар) жауып, тұман түсіп, жолдарда көктайғақ болады. Батыстан жел соғады, екпіні 15-20 м/с. жетеді.
Батыс Қазақстан облысының солтүстігі мен шығысында түнде және таңертең тұман түсуі мүмкін.
Солтүстікте, Қызылорда облысының орталығында тұман, түнде облыстың солтүстігінде көктайғақ күтіледі.
Жетісу облысының орталығында және таулы аймақтарында тұман басады.
Шығыс Қазақстан облысының батысында, солтүстігінде және шығысында көктайғақ болады. Түнде және таңертең облыстың солтүстігі мен шығысында тұман түседі.
Абай ауданының солтүстігінде, шығысында және оңтүстігінде көктайғақ күтіледі. Түнде және таңертең облыстың солтүстігі мен оңтүстігінде тұман түседі. Таңертең оңтүстік-батыстан соғатын желдің күші күндіз оңтүстікте, облыс орталығында 15-20 м/с болады.
Маңғыстау облысының солтүстігінде көктайғақ күтіледі. Облыстың батысы мен солтүстігінде тұман түседі.
Түркістан облысының таулы және тау бөктеріндегі аудандарында түнде және таңертең қатты жауын-шашын (жаңбыр, қар) күтіледі. Кейде тұман түсуі мүмкін. Облыстың солтүстігінде, батысында, орталығында, таулы және тау бөктеріндегі аудандарда оңтүстік-батыстан 15-20 м/с тездікте жел соғады.
Солтүстік Қазақстан, Ақмола, Қостанай облыстарының батысы мен оңтүстігінде тұман күтіледі.