Қазақстанның туы АҚШ-тың Нью-Йорк қаласында салтанатты түрде көтерілді.
Американың ең ірі мегаполисі республика күніне қазақстандықтарға осындай тарту жасады. Қала мэрі Эрик Адамс салтанатты шараны өзінің жеке парақшасында жариялады, деп хабарлайды Almaty-akshamy.kz «Хабар 24» арнасының сайтына сілтеме жасап.
Ол Қазақ елінің көк байрағын көтеру арқылы Нью-Йорктің қуаты мен рухын көтеретінін айтты.
«Біздің қаламызды жақсы көріп, құрметтейтін азаматтардың бірі – қазақстандықтар. Біздің қаламыздағы өте белсенді қауымдастық. Бизнес ашып, ынтымақтастық нығайтып жатырсыздар. Осындағы Бас консулмен де көп жылдан бері жақсы доспыз. Сіздер білімнің қуатын түсінген елсіздер. Осында сіздердің Туларыңызды көтеру арқылы біз Нью-Йорк қаласының қуаты мен рухын көтереміз. Сіздерге біздің қаланың алуан түрлі мәдениетін көтеруге үлес қосқандарыңыз үшін рахмет!» - деді Нью-Йорк қаласының мэрі Эрик Адамс.