Сенатор Руслан Рүстемов атом электр станцияларының құрылысы еліміздің энергетикалық болашағы үшін маңызды қадам екенін атап өтті. Оның пікірінше, АЭС тек энергия көзін қамтамасыз етіп қана қоймай, экономиканы дамытудың негізгі драйверіне айналуы мүмкін.
«Атом электр станцияларының құрылысы жаңа жұмыс орындарын ашуға, заманауи технологияларды енгізуге және еліміздің тұрақты энергетикалық болашағын қамтамасыз етуге септігін тигізеді. Бұл экономиканы нығайтып қана қоймай, электр қуатының тапшылығын шешудің бір жолы болмақ», – дейді Руслан Рүстемов.
Сонымен қатар, ол АЭС-тің еліміз үшін экологиялық таза және ұзақ мерзімді сенімді энергия көзі екенін де ерекше атап өтті.
«Қазақстанның алға қойған мақсаттарына қол жеткізу үшін атом энергетикасы стратегиялық қадам болады, бұл біздің елдің тұрақты дамуына үлкен үлес қосады», – деп қорытындылады сенатор.