Қозғалысты бақылау үшін 102 камера орнатылды.
Нысанды полиция күзетеді, деп хабарлайды aqshamnews.kz
Көлік министрі Марат Қарабаев Қазақстандағы ең ұзын көпірді күтіп ұстауға қанша ақша керек екенін айтты.
«Шығыс Қазақстан облысында Бұқтырма су қоймасы арқылы өтетін еліміздегі ең ұзын көпірге қызмет көрсету үшін жеке бригада тартылады. Қауіпсіздікті сақтау үшін көпірдің екі басына блок-бекет қойылады. Нысанда полиция бөлімшелері жұмыс істейді», - деді Марат Қарабаев.
Көпірді күтіп ұстау өңірдегі жергілікті билікке жүктеледі. Бірақ оған қомақты қаржы қажет.
«Қателеспесем, оған шамамен 300 млн теңге керек. Бұл санды әлі нақтылау шарт. Бұл жұмыс облыс әкімдігінің құрылымындағы жолдарға қызмет көрсететін ұйымға жүктеледі», - деді министр.