Қазақстанның бес өңірінде әскери қалашықтардың құрылысы жалғасуда.
Семей, Ақтөбе, Шымкент, Қонаев және Атырауда Қарулы күштердің офицерлері мен келісімшарт бойынша әскери қызметшілерге арналған көп пәтерлі модульді тұрғын үйлер салынып жатыр, деп хабарлайды aqshamnews.kz.
Сонымен қатар, Қорғаныс министрлігінің мәліметінше, 7 әскери қалашықта 58 мың шаршы метрден аса алаңға бетон асфальт төселген.
Тұрғын үй-тұрмыстық жағдайды жақсарту мақсатында жаңа жөндеуден өткен тұрғын үйге ерекше күтімді қажет ететін балалар өсіріп отырған отбасылар қоныстанған.
Бұған қоса 2024 жылы әскери қызметшілер Қазақстанның әр өңірінен 328 пәтерді жекешелендірді.
Қонаев қаласында «Балдәурен» балаларды сауықтыру орталығының қасбеттері жөнделіп, футбол және волейбол алаңдарына қоршау орнатылды, жазғы асхананы жөндеу жұмыстары жүргізілуде.