Қазақстанның бірнеше өңіріндегі тасжолдарда қар аралас жаңбыр жауып, көктайғақ болады, деп хабарлайды Аqshamnews.kz тілшісі.
«ҚазАвтоЖол» мәліметінше, 9 желтоқсанда Ақмола, Солтүстік Қазақстан, Шығыс Қазақстан, Ақтөбе, Қарағанды, Қостанай, Жамбыл, Алматы, Абай, Жетісу, Түркістан, Ұлытау және Павлодар облыстарының бірқатар аумақтарында қар мен қар аралас жаңбыр күтіледі.
Осыған байланысты жүргізушілерге жылдамдықты асырмай, көліктер арасындағы қауіпсіз қашықтықты сақтауға және қолайсыз ауа райы мен жол жағдайын ескеруге кеңес беріледі.
Қосымша мәліметті тәулік бойы жұмыс істейтін 1403 байланыс орталығынан білуге болады.