Бүгін мемлекет басшысы Қасым-Жомарт Тоқаев Қазақстанның стратегиялық зерттеулер институтының директорын ауыстырды, деп хабарлайды aqshamnews.kz Ақорданың баспасөз қызметіне сілтеме жасап.
Аталған институтты бұрын Еркін Тұқымов басқарған.
«Мемлекет басшысының өкімімен Еркін Валитханұлы Тұқымов Қазақстан Республикасы Президентінің жанындағы Қазақстанның стратегиялық зерттеулер институтының директоры лауазымынан босатылды. Еркін Тұқымов Қазақстан Республикасы Президентінің Ауғанстан бойынша арнайы өкілі атанды», - деп хабарлады Ақорда.
Институттың жаңа директоры бұрынғы экономика вице-министрі Нұрлан Шаймарданов.
«Мемлекет басшысының өкімімен Жандос Нұрланұлы Шаймарданов Қазақстан Республикасы Президентінің жанындағы Қазақстанның стратегиялық зерттеулер институтының директоры лауазымына тағайындалды», - деп хабарлады Ақорда.