Биыл елдегі туристік орындарға барушылар саны көбейді.
Қазақстанның ұлттық саябақтары мен курорттарына келетін туристер санының артуына байланысты инфрақұрылымға жүктеме де артты, деп хабарлайды Almaty-akshamy.kz Қазақстан Үкіметінің ресми Telegram-каналына сілтеме жасап.
2022 жылы елдегі туристік орындарға бару саны артты. Бурабай мен Шымбұлақ шипажайларына өткен жылмен салыстырғанда екі есе көп турист келді, ал Алматы тау кластерінің ұлттық саябақтарына келетін туристер 50 пайызға өсті.
Келушілердің көбеюіне байланысты инфрақұрылымға жүктеме артты, бұл, әсіресе, курорттық аймақтарды таза және тәртіппен ұстауға әсер етеді. Бурабай, Алакөл, Имантау-Шалқар курорттық аймақтарында, Алматы өңірі мен Маңғыстаудың ұлттық саябақтарында қоқыс контейнерлерінің жетіспеушілігі байқалады.
Бұл ақпарат Премьер-Министрдің орынбасары Ералы Тоғжановтың орталық және жергілікті атқарушы органдармен кездесуінде айтылды. Кездесу туризмді сапалы дамыту үшін жағдайды жақсарту мәселелеріне қатысты болды.
Ералы Тоғжанов бір күн ішінде ұлттық парктер мен курорттық аймақтар аумағынан қатты тұрмыстық қалдықтарды шығаруды тапсырды. Бұл ретте қоқысты шығару жиілігі ұлғайтылуы тиіс. Сондай-ақ, қатты тұрмыстық қалдықтарды жинауға арналған қосымша контейнерлер орнату тапсырылды.
Сонымен қатар, кеңесте shagym.kz модулін енгізу талқыланды. Бұл қызмет сапасын жақсартуға қатысты сұраныстарға жедел жауап беруге мүмкіндік береді. Туристердің шағымдары мен ұсыныстарын жинау процесін цифрландыру тапсырылды.