Қазақстанда жер бетіндегі су көздерінің сапасын бақылайтын 371 гидрохимиялық тұстама бар.
Экология және табиғи ресурстар министрлігі елдегі пайдалануға мүлде жарамсыз су көздерінің тізімін жариялады, деп хабарлайды Almaty-akshamy.kz
Министрлік мәліметіне сүйенсек, елімізде жер бетіндегі су көздерінің сапасын бақылайтын 371 гидрохимиялық тұстама бар. Олар 87 өзен мен 29 көлде, 13 су қоймасы мен 3 арнада және 1 теңізде орналасқан. 2023 жылдың екінші тоқсанында осы тұстамалардан алынған сынамалар 9 су оьбектісіндегі судың сапасы ішуге толық жарамды екенін көрсеткен. Олар: Ертіс (Павлодар обл.), Усолка, Ақсу (Түркістан обл.), Арыс, Бадам, Деркөл, Арасан өзендері, Бұқтырма, Өскемен су қоймалары.
Ал, тек шаруашылық сумен жабдықтауға жарамды көздердің саны – 14. Олар: Елек (БҚО), Жайық (БҚО), Бұқтырма, Тихая, Глубочанка, Есентай, Үржар, Брекса, Үлкен Алматы, Шілік, Есік, Қарқара, Түрген өзендері және Шортанды су қоймасы.
Сондай-ақ, суы өнеркәсіптің кейбір түрлеріне ғана жарамды көздердің саны – 6. Олар: Қара Ертіс, Оба, Маховка, Сырдария (Түркістан обл.), заттар), Есіл (СҚО), Тоғызақ өзендері.
Су пайдаланудың ешбір түрлеріне жарамсыз 21 көз анықталып отыр. Бұл қатарды мамандар 5-сыныптан жоғары деңгейде ластанған көздер ретінде сипаттайды. Олар: Шыңғырлау (хлоридтер), Қиғаш (қалқыма заттар), Аягөз, Кіші Қарақожа, Қаттыбөген, Сарыбұлақ, Нұра, Ақсу (Ақмола обл.), Қылшықты, Соқыр, Қара Кеңгір, Шерубайнұра, Обаған, Тобыл, Ақбұлақ өзендері мен Шардара, Жоғарғы Тобыл, Аманкелді, Кеңгір су қоймалары.