Бұл - Ұлттық статистика бюросы таратқан мәлімет.
Ақпарат бойынша, қаңтарда тұрғын үйді жалға беру нарығында баға 2,5%-ға төмендеді, деп хабарлайды Almaty-akshamy.kz
Ал бір айдың ішінде (2023 жылғы қаңтар 2022 жылғы желтоқсанға) жаңа тұрғын үйді сату бағасы – 0,7%, қолданыстағы пәтерлер саудасындағы баға 0,3% өсті.
Мәселен, сатылатын жаңа тұрғын үйдің бір шаршы метрінің бағасы 481 891 теңге, пәтерлерді қайта сату 515 019 теңге, абаттандырылған тұрғын үйді бір шаршы метрін жалға алу құны 4 671 теңге болды.
Статистер ұсынған ақпаратқа сүйенсек, бір жылда (2023 жылғы қаңтар 2022 жылғы қаңтарға) қолданыстағы пәтерлерді қайта сату бағаcы – 18,7%, жаңа тұрғын үйлерді сату 14% өсті. Абаттандырылған тұрғын үйді жалға беру төлемі өткен жылғы тиісті аймен салыстырғанда 2023 жылғы қаңтарда 34,3% артты.
Өңірлер бөлінісінде жаңа пәтерлер нарығында жылдық мәнде баға Ақтау – 28,2%, Ақтөбе – 25,4%, Петропавл – 20,9% қалаларында едәуір өсті.
Қолданыстағы пәтерлер саудасы нарығында Семей (46,8%), Қызылорда (38,8%), Ақтөбе (37,3%), Ақтау (35,4%), Талдықорған (32,9%), Қостанай (31%) қалалары көп бастап тұр, ал тұрғын үйді жалға алу нарығында баға Қостанай (55,6%), Көкшетау (55,1%), Алматы қалаларында (50,7%) жоғары өсім көрсеткен.