«Царьград» өзін бірінші ресейлік консервативті арна ретінде көрсетеді.
Ақпарат және қоғамдық даму министрлігінің мәліметінше, арна экстремизмді насихаттағандықтан бұғатталған, деп хабарлайды Almaty-akshamy.kz
Қазақстанда ресейлік прапогандистік «Царьград» телеарнасы бұғатталды.
Бұған дейін «Царьградқа» төрт нұсқау берілген. Оның соңғысы «Қазақ ұлтшылдары Жеңіс күні қарсаңында орыс әйелдеріне үрей туғызды» деген шығарылымға қатысты болды.
Қазір арна сайты бүкіл ел бойынша бұғатталған. «Царьград» өзін бірінші ресейлік консервативті арна ретінде көрсетеді. Оның негізін қалаушы, православтық олигарх Константин Малофеев Донбасстағы жауынгерлік құрамаларды қаржыландырғаны үшін халықаралық іздеуде жүр. Сонымен қатар ол ЕО мен АҚШ-тың санкциялық тізімінде.