Үкіметтің 2023 жылғы қаулысына сәйкес, мамырдың екінші жексенбісі Аналар күні болып бекітілді. Елімізде жалпы қанша көпбалалы ана бар? Олар қанша жәрдемақы алады? Толығырақ Aqshamnews.kz материалында.
Қазақстанда көпбалалы аналардың саны жыл сайын артып келеді. 2025 жылғы наурыздағы дерекке сәйкес, елімізде көпбалалы отбасыларға және наградталған аналарға берілетін мемлекеттік жәрдемақылармен орта есеппен 857 мың отбасы қамтылған: оның ішінде 614,8 мың көпбалалы отбасы мен 242,2 мың наградталған ана.
Көпбалалы аналарға берілетін жәрдемақы мөлшері бала санына қарай есептеледі:
- 4 баласы бар отбасыларға – 16,03 АЕК немесе 63 030 теңге;
- 5 балаға – 20,04 АЕК немесе 78 798 теңге;
- 6 балаға – 24,05 АЕК немесе 94 565 теңге;
- 7 балаға – 28,06 АЕК немесе 110 332 теңге;
- 8 және одан да көп баласы бар отбасыларға – әр балаға 4 АЕК немесе 15 728 теңге мөлшерінде төленді.
Айта кетейік, көпбалалы аналарға тұрғын үй мәселесінде де қолдау көрсетіледі. Қазір Қазақстан бойынша 655 мың адам тұрғын үй кезегінде тұр, олардың 21%-ы - көпбалалы аналар .