Бұл туралы ҚР Ішкі істер министрлігі Әкімшілік полиция комитеті төрағасының міндетін атқарушы Жандос Мұратәлиев мәлім етті, деп хабарлайды Almaty-akshamy.kz ҚазАқпаратқа сілтеме жасап.
«Еліміздің жолдарында азаматтардың өмірі мен денсаулығын сақтау Ішкі істер министрлігінің бірінші кезектегі міндеттерінің бірі болып отыр. Оны жүзеге асыру үшін жол жүрісі қауіпсіздігінің деңгейін арттыру бойынша ұйымдастырушылық, практикалық және құқықтық шаралар кешені қабылданып жатыр», - деді Ж. Мұратәлиев министрлікте өткен брифингте.
Оның айтуынша, биыл елімізде барлық көрсеткіштері бойынша апаттылықтың өскені байқалады. Жол-көлік оқиғаларының саны бойынша 9 пайызға, оның салдарынан қайтыс болғандардың саны 17 пайызға, жарақат алғандардың саны 9 пайызға өскен.
Бұдан бұрын хабарланғандай, бүгін ведомствода өткен брифингте апта ішінде елімізде 3,4 мың қылмыс тіркелгені айтылды.