Орталықтың меншік және пайдалану құқығы ТЖМ-не тиесілі болады.
Қазақстан Сейсмология институты мен Сейсмологиялық тәжірибе-әдістемелік экспедициясы қайта құрылып, Ұлттық ғылыми орталыққа біріктіріледі, деп хабарлайды Almaty-akshamy.kz.
Бұл туралы Үкімет қаулысында айтылған.
«Сейсмология институты» ЖШС және «Сейсмологиялық тәжірибе-әдістемелік экспедициясы» заңнамада белгіленген тәртіппен «Сейсмологиялық бақылаулар және зерттеулер ұлттық ғылыми орталығы» ЖШС-на біріктіру жолымен оның жарғылық капиталына мемлекеттің 100 пайыз қатысуы арқылы қайта құрылсын», - делінген қаулыда.
Орталық қызметінің негізгі бағыттары сейсмикалық қауіпті бағалау, күшті жер сілкіністерін ғылыми болжау, ірі елді мекендер мен стратегиялық нысандардағы сейсмикалық қауіпті бағалау, сондай-ақ Қазақстанның сейсмикалық қауіпті аймақтарында кешенді сейсмологиялық мониторинг жүргізу болады.
Қаржы министрлігінің Мемлекеттік мүлік және жекешелендіру комитетіне Төтенше жағдайлар министрлігімен бірлесіп, орталықтың жарғылық капиталын қайта құрылған институт пен экспедиция мүлкінің құны есебінен қалыптастыру тапсырылды.