Елімізде сату көлемі бойынша Chevrolet пен Hyundai көліктері көш бастап келеді.
Әлемдік автомобиль нарығында тамыз айында 6,9 миллион жаңа автомобиль сатылды. Бұл өткен жылмен салыстырғанда 18%-ға артық. Қазақстанда жаңа автокөліктерді сату, өз кезегінде, өткен жылдың тамызымен салыстырғанда бірден 25,4%-ға өсті, деп хабарлайды Almaty-akshamy.kz Elorda.info-ға сілтеме жасап.
Соңғы жарты жылда әлемде 52,4 млн жаңа автокөлік сатылды. Бұл өткен жылдың сәйкес кезеңімен салыстырғанда 3,8%-ға аз. Қытай сатылым бойынша көшбасшы болып табылады, онда шамамен 17 миллион жаңа автомобиль сатылды. Одан кейін АҚШ екінші орында тұр, онда 9 миллионнан астам жаңа автокөлік сатылды.
Тамыз айында сатудың жылдық өсімі Бразилия мен Аргентинада (22%), Испанияда (9,1%), АҚШ-та (3,9%), Францияда (3,8%), Германияда (3%), Ұлыбританияда (1,2%) және Оңтүстік Кореяда (0,2%) тіркелді. Жапония мен Канадада, өз кезегінде, жаңа автомобильдерді сату 2021 жылдың тамызымен салыстырғанда сәйкесінше төмендеді.
Қазақстанда жаңа автокөліктерді сату сегіз айда 75 мың бірлік техниканы құрады, өткен жылдан 1,5%-ға аз.
Тамыз айында елімізде сату көлемі бойынша Chevrolet (3,9 мың авто) және Hyundai (2,2 мың) брендтері көш бастап келеді, олардың үлесіне барлық сатылған жаңа автомобильдердің 53,3%-ы тиесілі болды. Одан кейін Kia (1,5 мың), Toyota (998) және Lada (592) автокөліктері.