Бұл бұрынғы көрсеткіштен 80,9%-ға немесе 5,9 мың тоннаға көп.
Ресми статистика бойынша, 2022 жылы су қоймаларынан 50,6 мың тонна балық ауланған, деп хабарлайды Almaty-akshamy.kz.
Сазан 2,5 мың тонна, көксерке 2,1 мың тонна, форель және тұқы әрқайсысы 2 мың тоннаны құрады.
Былтыр су қоймаларынан ауланған 50,6 мың тонна балық соңғы 10 жылдағы рекорд саналады. Оның 17,8 мың тоннасы теңіздерден ауланған.
Мәселен, Атырау және Маңғыстау облыстарындағы теңіз балығы (Каспий) 9,9 мың тоннаны құрады. Қызылорда (Арал) мен Ақтөбеде – 7,8 мың тонна. Яғни, Арал теңізі еліміздің балық шаруашылығы үшін әлі де маңызды. Онда ауланған балықтар жалпы республикалық көрсеткіштің 15%-ын құрайды.
Былтыр Қазақстан шетелге 88,9 млн долларға 25,6 мың тонна әртүрлі балықты сатса, 137,3 млн долларға 41,2 мың тонна сатып алды.
Негізгі экспорттық тауар – балық филесі. 61,2 млн доллардың 9,9 мың тоннасы шетелге кетті. Негізгі сатып алушылар Германия (18,7 млн доллар), Литва (13,1 млн доллар) және Нидерланды (11,6 млн доллар) болды.
Импорттың басым бөлігі мұздатылған балық болып табылады. Негізгі сатушылар Норвегия (65,5 млн долларға 16,3 мың тонна), Ресей (20,6 млн долларға 11,7 мың тонна) және Чили (17,7 млн долларға 2,1 мың тонна) болып табылады.