Елімізде 2-6 қыркүйек аралығында атеросклероз апталығы өтіп жатыр. Оның шеңберінде өңірлерде атеросклерозға байланысты хабардарлықты арттыруға, сондай-ақ осы ауруды емдеудің алдын алу шаралары мен емдеудің заманауи тәсілдерін ілгерілетуге бағытталған іс-шаралар ұйымдастырылуда, деп хабарлайды aqshamnews.kz
Біз салауатты өмір салтының жүрек пен қан тамырлары үшін маңыздылығы туралы жиі естиміз, бірақ олардың саулығы біздің болашағымызға қалай әсер ететіні туралы ойланамыз ба? Қазақстанда жүрек-қан тамырлары аурулары өлім себептері арасында бірінші орында тұр, барлық өлімнің 47%-ы инсульт пен инфарктқа байланысты.
Сондықтан жүрек пен қан тамырларының саулығы ұзақ және белсенді өмір сүрудің кепілі болып табылады. Егер сіз қауіптер туралы білсеңіз және уақытылы әрекет етсеңіз, осы аурулардың көпшілігінің алдын алуға болады. Осы тақырыпта Алматыдағы Кардиология және ішкі аурулар ҒЗИ кардиология бөлімшесінің кардиолог дәрігері Виталий Павловпен сөйлескен едік.
Дәрігердің айтуынша, атеросклероз – бұл артериялардың ішіндегі бүртік түйіндердің жиналуы. Холестерин, майлардан және басқа заттардан тұратын бұл түйіндер артерияларды тарылтып, қан ағымын шектеп, миокард инфаркті мен инсульт сияқты күрделі проблемаларды тудыруы мүмкін.
Көбінесе ауру көптеген жылдар бойы ешқандай белгілерсіз, артериялардың қатты тарылуына әкеледі. Бұл кезеңде жүрекке немесе миға жүктеменің шамалы артуы да ауыр салдарға әкелуі мүмкін.
«Атеросклерозды кім және қашан тексеру керек? 20 жастан бастап липидті профильге қан анализін тапсыруды және ауытқулар болған жағдайда кардиологпен кеңесуді ұсынамыз. Сондай-ақ, өмірінде бір рет барлық адамдарға Лп(a) үшін қан анализін тапсырған жөн, бұл да липидтер алмасуының көрсеткіші, ол генетикаға байланысты және өмір бойы өзгермейді. Мұны 40 жастан асқан барлық (тіпті сау) адамдар үшін жасау өте маңызды», – дейді Кардиология және ішкі аурулар ҒЗИ кардиология бөлімшесінің кардиолог дәрігері Виталий Сергеевич.
Ал егер сізде қауіп факторлары болса (темекі шегу, жоғары холестерин, гипертония, қант диабеті, артық салмақ немесе семіздік), онда мүмкіндігінше ертерек және өмір бойы жүйелі түрде жүгінген дұрыс.
Атеросклероз жастарға да әсер етуі мүмкін, әсіресе Сіздің отбасыңызда ерте (50 жасқа дейін) инфаркт, инсульт және кенеттен жүрек өлімі болса – онда 2 жасқа толғаннан бастап мүмкіндігінше ертерек тексеруден өткен жөн.