Құжат 21 маусымға дейін қоғамдық талқылау үшін Ашық НҚА веб-сайтында жарияланған
Экология министрлігінің Орман шаруашылығы және жануарлар дүниесі комитеті Жануарлар дүниесін пайдалануға рұқсат беру қағидаларына өзгерістер мен толықтырулар енгізетін бұйрық жобасын дайындады, деп хабарлайды Almaty-akshamy.kz Zakon.kz-ке сілтеме жасап.
Атап айтқанда, жануарлар дүниесiн пайдалануға рұқсат жануарлар дүниесiн арнайы пайдаланудың мынадай түрлерiне берiлетiн тарау «киiктер коллекциясы» тармақшасымен толықтырылды.
Сонымен қатар тарау аңшылыққа, кәсіптік балық аулауға, әуесқойлық (спорттық) балық аулауға, ғылыми-зерттеу балық аулауға, мелиоративтік балық аулауға, өсімін молайту мақсатында балық аулауға, жануарларды ғылыми, мәдени, тәрбиелік, эстетикалық мақсаттарда пайдалануға, сонымен қатар рұқсаттар туралы толықтырылды. Онымен қоса жануарлар түрлерін репродуктивті мақсаттарда пайдалану эпизоотиялық аурулардың алдын алу, ақбөкендердің дериватын жинау мақсатында қолданылады.
Мемлекеттік қызмет мына мекемелер арқылы көрсетіледі:
• екі немесе одан да көп облыстың аумағында орналасқан балық шаруашылығы су айдындарында белгiленген шектерде және квоталарда ғылыми-зерттеу балық аулауды қоспағанда жергiлiктi атқарушы органдары арқылы;
• екі және одан да көп облыста орналасқан балық шаруашылығы су айдындарында ғылыми-зерттеу балық аулау мақсатында балық ресурстарын және басқа да су жануарларын қорғау, өсімін молайту және пайдалану саласындағы бөлім арқылы;
• орман шаруашылығы, жануарлар дүниесiн қорғау, өсiмiн молайту және пайдалану саласында ақбөкен деривативтерiн жинау мақсатындағы бөлiм арқылы.
Ақбөкен деривативін жинауға рұқсат беру кезінде ЭЦҚ-да куəландырылған «жануарлар дүниесін пайдалануға рұқсат беру туралы» өтініш беріледі. Ол «электронды үкімет» веб-порталы арқылы арнайы бекітілген нысанда электрон нысанда жіберіледі.
Құжат 21 маусымға дейін қоғамдық талқылау үшін Ашық НҚА веб-сайтында жарияланған.
Бұған дейін Қазақстандағы киіктердің саны 1 миллион 318 мыңға дейін өскені хабарланған еді. Былтыр 842 мың бас ақбөкен болған. Зоология институтында киіктерді жою және олардың санын реттеу мәселесін қарастыру үшін биологиялық негіздеу жұмысы жүргізіліп жатыр.