«Қазақстан темір жолы» компаниясы Президент тапсырмасы аясында 4 мың шақырымнан астам теміржол учаскесін жөндеді, - деп хабарлайды Аqshamnews.kz тілшісі.
Мемлекет басшысы пойыздардың қозғалыс қауіпсіздігін күшейту және жылдамдығын арттыру үшін жалпы 11 мың шақырым темір жолды қайта жөндеуді тапсырған болатын.
Ұлттық компания басшылығының мәліметінше, жұмыс белгіленген кесте бойынша жүріп жатыр. Бүгінге дейін 4 375 шақырым жолда жөндеу жұмыстары жүргізілген. Қолданыстағы желілерді жаңартумен қатар, жаңа теміржол бағыттары салынып, ұзындығы шамамен 3 мың шақырым болатын учаскелерде заманауи автоблоктау жүйелері енгізілуде.
«Мемлекет басшысының 11 мың шақырым темір жолды жөндеу жөніндегі тапсырмасын орындау аясында қазіргі уақытта 4 375 шақырымда жұмыс жалғасып жатыр. Сонымен қатар 7 учаскеде автоблоктау жүйесін жаңғырту және енгізу бойынша жұмыстар жүргізілуде. Бұл жұмыстарды келесі жылы толық аяқтау жоспарланып отыр», – деді «ҚТЖ» ҰК» АҚ басқарма төрағасы.