Олардың көбі құрылыс саласында жұмыс істейді, деп хабарлайды aqshamnews.kz
Қазақстан аумағында 2025 жылғы 1 қыркүйектегі жағдай бойынша жергілікті атқарушы органдардың рұқсатымен 15 054 шетел азаматы еңбек етіп жүр
Шетелдік жұмыс күшіне (ШЖК) берілген рұқсаттар мынадай санаттарға бөлінеді:
561 адам – басшылар мен олардың орынбасарлары (I санат);
2 348 адам – құрылымдық бөлімше басшылары (II санат);
3 980 адам – мамандар (III санат);
1 052 адам – білікті жұмысшылар (IV санат).
Сонымен қатар:
3 099 адам маусымдық жұмыстарға тартылған;
4 015 адам корпоративтік ауыстыру арқылы жұмыс істеп жүр.
Жұмыс берушілер мен отандық кадрлар үлесі
Қазіргі таңда Қазақстанда 1 909 жұмыс беруші шетелдік мамандарды пайдаланып отыр.
Бұл кәсіпорындарда 341 мыңнан астам қазақстандық азамат еңбек етеді, яғни қызметкерлердің 96%-ын жергілікті кадрлар құрайды.
Салалар бойынша еңбек бөлінісі
Шетелдік жұмысшылардың негізгі бөлігі мына салаларда жұмыс істейді:
құрылыс – 4 929 адам;
ауыл, орман және балық шаруашылығы – 3 140 адам;
тау-кен өнеркәсібі және карьерлерді қазу – 1 240 адам;
өңдеу өнеркәсібі – 1 122 адам.
Еңбек мигранттары қай елдерден келеді?
Қазақстанда еңбек етіп жүрген шетелдіктердің басым бөлігі мына елдерден келген:
Қытай – 5 545 адам;
Өзбекстан – 2 696 адам;
Түркия – 1 076 адам;
Үндістан – 1 052 адам.
Квота көлемі қалай белгіленеді?
Ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын шетел мамандарын тартуға квота белгілейді.
2025 жылы квота бастапқыда 14,8 мың бірлік (жұмыс күшінің 0,2%-ы) болып бекітілген. Кейіннен жергілікті атқарушы органдардың өтінімдеріне сәйкес 16,5 мың бірлікке дейін ұлғайтылды.
2025 жылдың тамыз айынан бастап маусымдық жұмысшыларға арналған кәсіптер тізімі кеңейтіліп, квота 0,25%-ға немесе 19,4 мың бірлікке дейін ұлғайды.