Кезекті «TALQYLAU» диалог алаңының отырысында «Қазақстандық электр энергетикасы қауымдастығы» ЗТБ төрағасы Талғат Темірханов елдегі электр энергиясының жетіспеушілігіне назар аударды.
«Қазіргі уақытта елімізде 30 ірі инвестициялық жоба қарастырылуда. Оларды сәтті жүзеге асыру үшін 8 гигаватт электр энергиясы қажет болады. Бұл елде өндірілетін жалпы көлемнің жартысына жуығын құрайды. Мұндай энергияны қайдан аламыз? Бүгінде еліміздегі электр энергиясының шамамен 60%-ын көмір генерациясы қамтамасыз етеді, оның 80%-ы 60 жылдан астам уақыт бойы жұмыс істеп келеді. Сонымен қатар, көміртегі бейтараптылығына қатысты талаптар бар. Бұл бізді маңызды шешім қабылдауға мәжбүр етеді. Осыған байланысты, Халықтық штабтың жұмысын жоғары бағалаймын, өйткені олар барлық аспектілерді мұқият талдап, халыққа объективті ақпарат жеткізіп жатыр», – деді ол.
Айта кету керек, отырыс Қазақстан халқына Жолдауға және ел өміріндегі маңызды қадамдардың бірі – АЭС құрылысы мәселесіне арналды, онда қатысушылар өз пікірлері мен ұсыныстарын білдірді.