Электр көліктерін қуаттандыруға арналған стансалардың орналасуына қатысты түзетулер мен өзгерістер сәулет, қала құрылысы және құрылыс саласындағы мемлекеттік нормативтеріне енгізілді:
Автомобиль тұрақтарын жобалау жөніндегі мемлекеттік нормативтерге сәйкес автотұрақтардағы орындарды белгілеу кезінде қуаттандыру құрылғыларымен жабдықталған электр көліктерге де орындар қарастырылуы тиіс.
Электр көліктердің қуаттандыру құрылғыларын тек зауытта өндірілген, электр желісінің қорғаныс дәрежесі IP 54-тен кем емес, автоматты ажырату құрылғысы бар (оның ішінде өртке қарсы қорғау жүйелерінің іске қосылуы туралы дабыл белгісін алған кезде) болса, пайдалануға рұқсат етіледі.
Бұдан басқа, жаңа нормаларда елдімекендердің аумағында электр көлігінің зарядтау сервистік инфрақұрылымын орнату көзделуі тиіс.
Зарядтау станциялары газ және газ құю станцияларында (АЖС мен АГЖС), техникалық қызмет көрсету станцияларында, автотұрақтарда, жол бойындағы қызмет көрсету объектілерінде, тұрғын-үй, қоғамдық, кәсіпкерлік және өндірістік аумақтарда орналасуы мүмкін.
Сондай-ақ автотұрақтарда зарядтағыштармен жабдықталған электр көліктері үшін бос орындар болуы міндетті. Бұл ретте тек зауыттан шыққан қуаттандырғыш құрылғыларды орналастыруға рұқсат етіледі.
Жанармай құю бекеттерінде жылдам және өте жылдам зарядтау стансаларын орнату ұсынылады. Сонымен қатар жанармай құю бекеттерінде және мүгедектер арбасындағы мүгедектерге арналған жанармай құю станцияларында электр көліктерін зарядтауға арналған кем дегенде бір орын болуы міндетті.
Бұйрық 2024 жылдың 19 сәуірінен бастап қолданысқа енгізілді.