Бұл Энергетика министрінің қазақстандықтарға мереке қарсаңында айтқаны.
Болат Ақшолақов мерекеде электр энергиясын үнемдеуге кеңес берді, деп хабарлайды Almaty-akshamy.kz
Энергетика министрі Болат Ақшолақов еліміздің энергетикалық жүйесінде тапшылық болып жатқанын айтты.
Оның айтуынша, қазақстандық энергетика жүйесіндегі тапшылық Ресейден келетін ағынмен байланысты, кешкі және таңғы уақытта көп пайдаланғаннан болады.
«Бірнеше күн мереке және демалыс болған кезде электр энергиясын пайдалану артады. Сондықтан электр құрылғыларына абай болу ұсынылады. Ақылға қонымды тұтыну керек. Кейбір электр құрылғыларын қосулы күйінде қалдырудың қажеті жоқ болса, өшірген дұрыс», - деді Энергетика министрі Болат Ақшолақов.
Бұл ретте ол Қазақстанның энергетика жүйесі максималды тұтынуды өтей алатынын, тапшылыққа байланысты электр қуатының үзілмейтінін айтты.