Грекия билігі коронавирусқа қарсы екпе салдырмаған тұрғындар үшін шектеу шараларын күшейтеді. Енді вакцина қабылдамаған мемлекеттік және жекеменшік сектор қызметкерлері аптасына екі рет ПТР-тест тапсырып отыруға міндеттеледі деп хабарлайды almaty-akshamy.kz
Кері жағдайда жұмыстан шеттетіледі. Тест шығындарын қызметкер өз қалтасынан төлейді. Одан бөлек екпе салдырмаған тұрғындар енді сауда орталықтары, банк, ойын-сауық мекемелері мен сән салондарына кіре алмайды.
Тиісті талапқа бағынбаған мекемеге 5 мың еуро айыппұл салынып, 10 күнге қызметі тоқтатылады. Биліктің мұндай шаралар қабылдауы бекер емес. Өйткені қазір Эллада елінде эпидахуал өршіп тұр. Жан сақтау бөліміне түсіп жатқандардың 80 проценттен астамы – вакцина қабылдамаған азаматтар.