500 мыңнан астам өсім байқалады.
Қазақстанда киіктердің санын анықтау және бақылау жұмыстары жүріп жатыр. Бұл туралы ҚР Экология, геология және табиғи ресурстар министрі Серікқали Брекешев Үкіметте айтты, деп хабарлайды Almaty-akshamy.kz ҚазАқпаратқа сілтеме жасап.
«Расында да киіктердің саны артып келеді. Орал популяциясына келсек, онда 500 мыңнан астам өсім байқалады. Қазіргі уақытта киіктер санын бақылау және анықтау жұмыстары жүргізілуде. Бұл жұмысты жақын күндері аяқтаймыз және 10 мамырда киіктердің нақты санын білетін боламыз», - деді Серікқали Брекешев Үкімет отырысынан кейінгі брифингте.
Министрдің болжамы бойынша, бір ғана Оралда киік саны 1 миллионға дейін артуы мүмкін. Бұл деректерді мамандар 10 мамырдан кейін жариялайды.
Еске сала кетсек, былтыр Батыс Қазақстан облысының шаруалары киіктер көбейіп, мал жайылымын таптады деп шағымданған болатын.