Жоламан әуеайлағы маңында болған әуе апатынан екі экипаж мүшесі көз жұмды, деп хабарлайды Aqshamnews.kz тілшісі.
Оқиға 22 маусым күні шамамен сағат 11:30-да болған. TL-2000 үлгісіндегі оқу-жаттығу ұшағы әуеге көтерілген сәтте апатқа ұшыраған. Ұшақ жеке тұлғаның меншігінде болған.
Алдын ала мәліметтерге сәйкес, әуе кемесінде екі экипаж мүшесі болған. Өкінішке қарай, екеуі де оқиға орнында қаза тапты.
Көлік министрлігі оқиға орнына көліктегі оқиғалар мен инциденттерді тергеу департаментінің мамандары жіберілгенін мәлімдеді. Апаттың себебін анықтау үшін арнайы комиссия құрылатын болады.