Танымал актер Дәурен Айдарқұлов жақында үшінші рет отбасын құрған еді. Ол әйелімен қалай танысқанын айтты, - деп хабарлайды Azattyq Rýhy.
"Бірнеше ай бұрын Threads-ті өшіріп тастадым. Себебі бұл қолданбадан керек дүниенің бәрін алдым. Шынымды айтсам, мен оны өзіме жар табу үшін ғана қолдандым", - деп жазды актер.
Оның айтуынша, актер болашақ жарын екі айда іздеп тапқан.
"Қосымшаның алгоритмі менің қандай адамды іздеп жүргенімді түсінген сияқты, парақшамда қалыңдық болуы мүмкін қыздар кездесе бастады. Екі ай өткен соң қызық бір парақшаға көзім түсті де, бірден хабарластым. Ал екі аптадан кейін үйленеміз деп шешім қабылдадық. Қысқасы, әлеуметтік желінің пайдасы бар екен", - деп түйіндеді Дәурен Айдарқұлов.
Еске салайық, жақында Дәурен Айдарқұлов үшінші рет үйленген болатын. Желіде қыз ұзату тойынан видеолар жарияланды. Өнер иесі әйелінің есімі Жұлдыз екенін жасырмады.