Қазақстаннның Тәжікстандағы Елшілігі жанынан ашылған №272 сайлау учаскесінде да ҚР Мәжіліс депутаттарын сайлау жүріп жатыр, -деп хабарлайды Аlmaty-akshamy.kz ҚазАқпарат-қа сілтеме жасап.
Сайлау учаскесіндегі тізімде Тәжікстан аумағында уақытша және тұрақты тұрып жатқан 100-ден астам Қазақстан азамат енгізілген. Отанындағы саяси өзгеріске үн қосуға ұмтылған қазақстандықтар Тәжікстанның түкпір-түкпірінен Душанбеге келіп жатыр.
«Отандастарымыз сайлауға белсенді қатысып жатыр. Таңғы сағат 7.00-ден сайлау учаскесіне қазақстандықтар келе бастады. Тізімге Тәжікстан аумағында уақытша және тұратқты тұрып жатқан қазақстандықтар енгізілген. Оның негізгі бөлігі – бірлескен кәсіпорындардың қызметшілері, дипломаттардың отбасы, студенттер мен туристер», - дейді сайлау учаскесінің төрағасы Дархан Көшербаев.
Елшілік қызметкерлері сайлаудың ашық әрі әділ өтуіне, учаскенің үздіксіз жұмыс істеуіне бар күшін салып жатқанын айтып отыр.
