Бюджет жобасы талқыланды.
Алматы агломерациясын біркелкі дамыту арқылы басқарылатын урбанизация. Бұл туралы Ерболат Досаев Алматының қаласының 2023-2025 жылдарға арналған бюджет жобасын қарау барысында айтты, деп хабарлайды Almaty-akshamy.kz.
«Қала тұрғындарының жоғары өмір сүру сапасын қамтамасыз ету, қаланың полиорталық принципін дамыту үшін жаңа қала құрылысы құралдары мен тәсілдерін енгізу арқылы заманауи урбанистік шешімдер қолданылатын болады. Бұл үшін біздің мегаполисте берік негіз бар», - деді Ерболат Досаев.
Әкімнің айтуынша, урбанизация процестерін тездетіп дамыту жөніндегі болжамдарды ескере отырып, 2040 жылға дейінгі жаңа Бас жоспары әзірленді. Енді оны 2023 жылдың I тоқсанында Қазақстан Республикасы Үкіметінің шешімімен бекіту жоспарланып отыр.
«2040 жылға дейінгі Бас жоспарды бекіту аумақтардың әркелкі дамуын жоюға, әлеуметтік, инженерлік және көліктік қамтамасыз ету, инфрақұрылымның болуы мәселелерін шешуге, Алматы халқының өмір сүру сапасын жақсартуға мүмкіндік береді», - деді қала әкімі.