Қазақстандық 10 спортшы допинг үшін спорттан шеттетілді.
Бұл туралы Қазақстанның Ұлттық допингке қарсы орталығы мәлім етті, деп хабарлайды Almaty-akshamy.kz Ulysmedia.kz-ке сілтеме жасап.
Токиода 2020 жылы өткен Олимпиада ойындарының қола жүлдегері Игорь Соннан метастерон сынамасы табылды, соның салдарынан ол 8 жылға спорттан тыс қалды. Метастерон үшін ауыр атлеттер Алексей Дроздов, Аблай Әуелханов, Юлия Потассова, Руфина Чалкарова да 2026 жылдың 28 наурызына дейін жарыстарға қатыса алмайды. Сондай-ақ тағы бір ауыр атлет Карина Жүнісбаева канренон сынамасы үшін 2024 жылдың 21 қазанына дейін спорттан шеттетілген еді. Жеңіл атлеттер Александр Савгуров пен Екатерина Грицай оксаладрон үшін 2025 жылдың 26 қазанына дейін спорттан шеттетілді. Ал таеквондо шебері Жасүрбек Исрайловтан мельдоний сынамасы табылып, 2025 жылдың 18 қарашасына дейін спорттан тыс қалды.
Естеріңізде болса, Қазақстандық ауыр атлеттер бұған дейін де допинг қолданғаны үшін Олимпиада ойындарының медальдарынан айырылып қалған болатын.
Айта кетейік, Токио Олимпиадасында қазақстандық ауыр атлет, 2020 жылғы Токиода өткен Олимпиада ойындарының қола жүлдегері Игорь Сон 61 келіге дейінгі салмақ бойынша қола медальды және 2019 жылғы әлем чемпионатының күміс жүлдесін еншілеген еді. 24 жастағы Игорь Сон өз карьерасында осындай жағдайға екінші рет тап болып отыр.