АҚШ-та халықтың жекелеген санаттары үшін міндетті иммундау режимі енгізілуде.
Америка Құрама Штаттарында халықтың жекелеген санаттары үшін міндетті иммундау режимі енгізілуде, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
АҚШ Президенті Джозеф Байден COVID-19 вакцинациясының жаңа жоспарын мақұлдады. АҚШ Президенті өте жұқпалы «дельта» штамының таралуы ұзаққа созылуы мүмкін екенін атап өтіп, коронавирустық мутацияның бұл нұсқасы жаңа жағдайлардың көп бөлігін құрайтынын айтты. Жаңа жоспарға сәйкес АҚШ федералды Үкіметінің барлық қызметкерлері, сондай-ақ оның мердігерлері COVID-19 вакцинациясынан өтуі керек.
Ұлыбритания
Ұлыбританияда қаңтар мен шілдеде тіркелген COVID-19 ауруы мен ауруханаға жатқызудың шырқау шегі қыркүйек айында қайта орын алды. Қазір 8 085 адам орташа ауыр және ауыр жағдайда стационарларда ем қабылдауда. Вакциналаудың жоғары қарқынына қарамастан, вирустың таралуы артып келеді. Ұлыбритания - азаматтары иммундауды коронавирустан нақты қорғаныс ретінде қабылдайтын Еуропадағы санаулы елдердің бірі. Қазіргі уақытта COVID-19-ға қарсы толық вакциналанған британдықтардың саны 65% жетті.
Молдова
Молдова билігі Молдованың "жасыл" аймақтан "қызғылт сарыға"ауысуына байланысты COVID-19 таралуына қарсы күрес аясында төтенше шаралар қабылдады. Денсаулық сақтау саласында ертеңнен 30 қазанға дейін төтенше жағдай режимі енгізілді. Бұл шаралар коронавирустық инфекцияның жаңа жағдайларының айтарлықтай өсуіне байланысты. 3 қыркүйекте ел Үкіметі вакциналанбаған оқу орындарының оқытушыларын екі аптада бір рет ПТР-тестілеуден өз есебінен өтуге міндеттеді. Мысалы, молдовалық дәрігерлер арасында вакцинацияланғандардың үлесі 98% - ға жетті.
Африка
Жер бетіндегі ең ыстық континенттің 8 миллионға жуық тұрғыны пандемия басталғаннан бері коронавирус инфекциясын жұқтырды. Африкада COVID-19 жағдайларының жалпы саны 7,94 миллионнан асты, - деп хабарлады Африка ауруларды бақылау және алдын алу орталығы. Қайтыс болғандардың жалпы саны 200 741 адамға жетті. Ведомствоның мәліметінше, инфекцияның ең көп саны Оңтүстік Африкада, ал ең жоғары көрсеткіштер тіркелген елдер - Оңтүстік Африка, Марокко, Тунис, Ливия және Эфиопия.