Жаһанды 40 жыл бойы тамсындарған Джей Лоның Алматыдағы концертіне сатылып жатқан билеттер таусылуға шақ, деп хабарлайды aqshamnews.kz.
24.kz таратқан ақпаратқа сай, 10 тамыз күні Орталық стадионда өтетін поп жұлдыз шоуына әлемнің 29 мемлекетінен меймандар келеді.
Дженнифер Лопестің концертіне 25 мыңдай билет сатылымға шыққан. Соның 30%-ы шетелдіктерге бұйырыпты. АҚШ, бастап Қырғызстан, Сауд Арабиясы қоштаған көптеген мемлекеттің өнерсүйер қауымы бір айдан соң Алматыға ағылмақ. Әншінің райдері мықты. Әсіресе концертке қажетті музыкалық техникаға талап қатал. Джей Лоның қай қонақүйге түсетіні құпия. Әншінің шашбауын көтеріп 100 адам келеді.