Танымал әзілкеш және асаба Ғалымжан Құрманбектің айтқан пікірі қоғамда үлкен дау туғызды.
Өнер иесі «Кешегі Қарасай батыр, Қабанбай батыр, Бөгенбай батырлар жер үшін емес, Ислам діні үшін соғысты» деп айтқан сөзі көпшіліктің назарын аударды. Ол бұл сөзді исламтанушы ғалымдар, имамдар, дін қызметкерлері жиналған үлкен кеште айтқан болатын.
«... Отанды сүю – иманнан. Кешегі Қабанбай, Бөгенбай, Махамбет, Исатай, Райымбек пен Қарасайлар жер үшін соғысқан жоқ, ағайын. Олар Ислам үшін соғысты. Ата дініміз үшін соғысты. Өйткені имансыз ұрпаққа жердің қажеті жоқ еді. Мына жерге ие болатын иманды ұрпақтың діні үшін соғысты. Алла жолында соғысты. Енді осы заманның батырлары сіздерсіздер. Сол соғысты жалғастырып келе жатқан сіздерсіздер, игі жақсылар», - деді ол жиналған қауымға.
Ғалымжан Құрманбектің пікірі қоғамда үлкен резонанс туғызды. Бір топ белсенді азаматтары «Қазақ батырлары дін үшін соғысты» деген Ғалымжан Құрманбековтің сөзіне заңдық тұрғыда баға беруді сұрап ресми орындарға хат жолдады
Бұл жағдай тарихи және мәдени мәселелердің қаншалықты маңызды екенін және оларды талқылау кезінде абай болу керектігін көрсетеді.