Әнші Димаш Құдайберген 23 желтоқсанда Гонконгта жеке концертін өткізеді.
Концерт STRANGER әлемдік турнесі аясында өтпек, деп хабарлайды Almaty-akshamy.kz.
Бұл туралы әншінің жеке сайтында хабарланды.
«2023 жылдың 23 желтоқсанында Димаш STRANGER әлемдік турнесінің аясында Гонконгта жаңа жеке концертін өткізеді. Бұл күннің Димаштың шығармашылық өмірінде маңызы зор. Дәл осы күні, 7 жыл бұрын қазақстандық әнші «I am Singer» жобасына қатысу үшін Қытайға алғаш рет барып, Dears-пен бірлескен сапары басталды. Билет сатылымының басталуы туралы ақпарат жақын арада белгілі болады. Жаңалықтардан хабардар болыңыздар», - деп жазылған хабарламада.
Ауқымды шоу 20:00-де Гонконг көрме орталығында, HALL 5BC-де өтеді.