Әлемге танымал қазақстандық әнші Димаш Құдайберген ақын, Еңбек Ері Мұхтар Шахановтың шаңырағына арнайы барып, ұлының қазасына көңіл айтты. Бұл туралы қоғам белсендісі Берік Ағыбаев әлеуметтік желідегі жазбасында мәлімдеді, - деп хабарлайды Аqshamnews.kz тілшісі.
Оның айтуынша, Димаш қайғыға ортақтасып, ауыр күнде Шахановтар әулетіне барып, құран бағыштаған.
«Димаштың арнайы келіп, көңіл айтуы – ағамыздың қайғысын бөлісіп, демеу болғаны азаматтық қадам», – деп жазды Берік Ағыбаев.
Қазіргі таңда Мұхтар Шахановтың отбасына елдің әр өңірінен танымал тұлғалар мен оқырмандар да көңіл білдіріп жатыр.
Еске салайық, ақынның ұлы Қуаныш Мұхтарұлы 2025 жылғы 6 қарашада өмірден өткен еді.