Әнші 2020 жылы "Авангард" фильмінінің Happy саундтрегін орындаған.
Димаш Құдайберген Джеки Чанның жаңа фильмінің саундтрегін орындады, деп хабарлайды Almaty-akshamy.kz
12 шілдеде Джеки Чанның көптен күткен жаңа "Аңыз" атты фильмі прокатқа шықты.
«Фильмнің соңында Димаш Құдайбергеннің орындауындағы This Love ("Бұл махаббат") саундтрегі шырқалады. Трек 5 шілдеде музыкалық платформаларға шықты»,-деп жазды dimashnews.com сайты.
Джеки Чанның өзі басты рөлді сомдаған жаңа фильмнің тарихы археолог Джек туралы және оның шәкірттерімен бірге арман әлемі мен шындық арасында көпір қызметін атқаратын артефактты қалай тапқаны туралы баяндайды. Археолог мұздық қазбалары кезінде табылған жәдігерлердің текстурасы түсінде көрген нефрит кулонын еске түсіретінін айтады.
"This Love" әнін Джеки Чанмен ұзақ жылдар бойы жұмыс істеген Оскардың музыкалық төрешісі, маэстро Натан Ванг жазған. Жаңа ән Ван мырза мен Димаштың үшінші бірлескен туындысы.