Димаш Лондонда өткен концертінен кейін 13 қараша күні Германияның астанасы Берлинге барды, - деп хабарлайды Aqshamnews.kz.
Бүгін, 14 қарашада, Max-Schmeling-Halle аренасында әншінің «Stranger» шоуы өтеді.
Берлинге алғаш келген қазақстандық әртісті және оның командасын Берлин-Бранденбург әуежайында жанкүйерлері гүл шоқтармен және «We Are Golden» әнімен қарсы алды.
Димаштың концерті Max-Schmeling-Halle атты Берлиндегі ең ірі спорт және мәдениет кешенінде өтеді. Бұл арена 1993–1997 жылдары Joppien Dietz Architekten сәулет бюросының жобасы бойынша, қаланың 2000 жылғы Олимпиада ойындарын өткізуге берген өтініміне байланысты салынған болатын. Кешен әйгілі неміс боксшысы Макс Шмелингтің есімімен аталады .
Фридрих Людвиг Ян атындағы спорт паркінде орналасқан аренада халықаралық спорттық жарыстар, концерттер, шоу мен конгрестер өткізіледі.