Грейпфрут бірқатар аурулардан қорғайды
Ресейлік диетолог Светлана Зеленцова грейпфрутты не үшін тамақтану рационына қосу керектігін, сонымен бірге, оның қандай аурулардан қорғайтынын айтты.
Маманның айтуынша, бұл жеміс дәрумендер және микроэлементтерге бай, әсіресе кремний және С дәрумені көп. Осының бәрі грейпфруттың адамның иммунитетін күшейтіп қана емес, сондай-ақ, оның ағзасындағы коллаген синтезін арттыруға көмектеседі.
Бұл туралы РЕН-тв сайтында жазылды, деп хабарлайды Almaty-akshamy.kz тілшісі.
«Бұл жемістің құрамында бірқатар фитохимиялық заттар бар, олардың қасиеттері әлі күнге дейін зерттеліп жатыр. Олардың кейбіреуі қартаюды тежейтін зат – геропртекторлар деп танылған. Мысалы, нарингенин антиоксидантты, вирусқа қарсы, ісікке қарсы, антибактериалды және қабынуға қарсы қасиеттерге ие», - деп түсіндірді Светлана Зеленцова.
Ол жүрек пен тамырлардың жағдайын жақсартуға, сондай-ақ, тәбетті басуға мүмкіндік береді. Одан бөлек, грейпфруттың құрамындағы нобилетин семіздік, атеросклероз және инсулинді төзімділік кезінде де пайдалы.
Диетолог атап өткендей, бұл жеміс өттің іркілуі кезінде асқазан сөлінің қышқылдығы төмендесе, ас қорыту сөлінің бөлінуін жақсартуға көмектеседі, ал грейпфрут құрамындағы өзек (жасұнық) ішек үшін пайдалы.
«Мен бұл жемісті аптасына бір реттен жиі болмайтындай қолдануға кеңес беремін»,- деп атап өтті маман.
Сонымен бірге, маман бұл жемісті кімдерге қолдануға болмайтынын да айтты. Асқазан-ішек трактінің жіті жедел аурулары және салицилаттарға жоғары сезімталдығы барларға оны тамақтану рационынан толығымен алып тастау қажеттігін жеткізді.