Бүгін Мәжілістің VIII шақырылымы үшінші сессиясының қорытынды отырысы өтті. Каникулға шыққан Мәжіліс депутаты Ринат Зайыт Аqshamnews.kz тілшісіне қайда демалуды жоспарлап отырғанын айтты.
Депутат "жұмысына көңілі тола ма?" деген сұраққа жауап берді.
"Бюджет бөлуде көздеген бірқатар мақсатқа жете алдық. Мәдениет саласында болсын, өңірлерде болсын, нақты объектілерде болсын қаржының бөлінуін қадағаладық. Белгілі бір деңгейде нәтижел болды. МӘМС-тің да жұмысы нәтижелі болады деп ойлаймын. Мәдениет және білім беру, археология туралы заңдарда да жақсы нормалар болып жатыр. Жеке бірқатар адамның жұмысы шешілді. Мен қатты бір керемет жұмыс атқардым демесем де, ұялмай жұмыс істедім деп ойлаймын", - деді ол.
Сондай-ақ, депутат каникул кезінде қайда баратынын айтты.
"Негізі 1,5 айдың 10-15 күні ауыл-аймақты аралап, дос-жаранмен кездесумен өтеді. Барсам Алакөлге баруым мүмкін, егер қаржы жетсе, Қатон-Қарағайға баруға болады. Бізде де демалатын жер аз емес қой", - деді ол.