1–4 қазан күндері Алматыда ISU Challenger сериясындағы дәстүрлі халықаралық турнир — Денис Тен мемориалы өтеді, - деп хабарлайды Aqshamnews.kz.
Биылғы жарысқа 2026 жылы өтетін Олимпиада жүлдесіне үміткер мықты спортшылар қатысады деп күтіледі. Қазақстан намысын Софья Самоделкина мен Михаил Шайдоров бастаған үздік мәнерлеп сырғанаушылар қорғайды.
ISU дерегінше, ерлер арасында Ника Эгадза (Грузия), Чха Чжун Хван (Корея), Джейсон Браун (АҚШ) секілді танымал спортшылар өнер көрсетпек. Ал әйелдер сынында Самоделкинаның негізгі бәсекелестері — канадалық Маделин Скизас (әлемдік рейтингте 16-орын) пен кореялық Хэ Ин Ли (23-орын).
Қазақстандық спортшы қазір ISU рейтингінде 28-орында және жуырда АҚШ-та өткен Cranberry Cup-2025 турнирінде күміс жүлде иеленген.