Синоптиктер 26, 27 және 28 шілдеге арналған ауа райы болжамын ұсынды, - деп хабарлайды Аqshamnews.kz тілшісі.
Жауын-шашын болады
Алдағы күндері Қазақстан аумағындағы синоптикалық жағдайды циклон қалыптастырады. Осыған байланысты ел аумағында бұлтты, кей жерлерде ашық ауа райы күтіледі, жаңбыр жауып, найзағай ойнайды. Республиканың солтүстік-батысында, солтүстігінде және орталық аймақтарында жаңбыр, бұршақ, дауылды жел болады деп болжанған. Ел бойынша жел күшейеді, ал оңтүстікте құмды дауыл күтіледі.
Ауа температурасы қандай болады?
Ауа температурасы айтарлықтай өзгермейді. Қазақстанның шығысы мен оңтүстік-шығысында аптап ыстық сақталады – ауа температурасы 42 градусқа дейін көтеріледі.